ថ្ងៃ១៤ កុម្ភៈ អ្នកស្រីទ្រី ដាណា បានផ្ដល់ក្ដីស្រលាញ់ដោយបរិច្ចាគ ១០០០០$ ជូនមន្ទីរពេទ្យកុមារទាំង២នេះ

ទិវានៃសេចក្ដីស្រលាញ់ ថ្ងៃទី១៤ ខែកុម្ភៈ ប្រជាពលរដ្ឋ​ខ្មែរមួយចំនួន​បានចែករំលែក​សេចក្ដីស្រលាញ់​របស់​ពួកគេ​ទៅកាន់​មនុស្ស​ជុំវិញខ្លួន​ តាម​រយៈការជូនបាច់ផ្កា ជូនកាដូ ចំណីអាហារ សម្ភារៈ ថវិកា ឬហូបអាហារ​ពេល​ល្ងាច​ជុំគ្នា លក្ខណៈគ្រួសារ មិត្តភ័ក្ដិ គូស្នេហ៍ ឬក្រុមហ៊ុន​ជាដើម។

រីឯអ្នក​មានជីវភាពធូរធា​មួយចំនួន ​បាន​ចែក​រំលែក​សេចក្ដី​ស្រលាញ់​តាម​រយៈការ​បរិច្ចាគ​ទ្រព្យ​ធន​របស់​ពួក​គេ​ខ្លះ​ ទៅ​កាន់ក្រុម​អ្នក​ទន់ខ្សោយ កុមារ​កំព្រា ​ចាស់​ជរា ជនអនាថា មន្ទីរពេទ្យ ​ឬអង្គការ​នានា។

ចំណែក​អ្នក​ស្រី ទ្រី ដាណា ម្ចាស់ក្រុមហ៊ុន NNP នៅថ្ងៃទី១៤ កុម្ភៈនេះ បាន​បរិច្ចាគ​ថវិកា​ជូន​មន្ទីរពេទ្យ​ព្យាបាលកុមារ​ចំនួន២ ដោយ​មន្ទីរពេទ្យ​គន្ធបុប្ផា​ចំនួន ៥០០០ដុល្លារ ​និង​មន្ទីរពេទ្យ​កុមារ​អង្គរ​ចំនួន ៥០០០​ ដុល្លារដូចគ្នា ដែល​អ្នក​ស្រីចាត់​ទុក​ជាការ​ចែក​រំលែក​ក្ដីស្រលាញ់​នៃទិវា​មួយនេះ។

​បន្ថែម​លើស​នេះ ​អ្នក​ស្រី​ក៏​ឆ្លៀត​លើក​សរសើរ​ដល់​ការ​ខិតខំ​ប្រឹង​ប្រែង​របស់​ថ្នាក់​ដឹក​នាំមន្ទីរ​ពេទ្យ និង​ក្រុម​គ្រូពេទ្យ ​ក្នុង​ការ​ជួយ​សង្គ្រោះ​អាយុជីវិត​កុមារ​កម្ពុជា​ដោយ​មិន​មាន​ការ​រើស​អើងឡើយ។

តាមរយៈ​ទំព័រ​ហ្វេសប៊ុក​របស់​អ្នក​ស្រី​បាន​សរសេរ​ភ្ជាប់​ខ្លឹម​សារ​ថា៖ «ថ្ងៃនេះ ១៤កុម្ភៈ ទិវានៃក្ដី​ស្រលាញ់ គឺផ្ដល់ក្ដីស្រលាញ់​ដល់គ្រប់គ្នា នាងខ្ញុំបរិច្ចាគ 10000$ ជូនមន្ទីរពេទ្យ២ គឺមន្ទីរពេទ្យកុមារ​អង្គរ 5000$ និងមន្ទីរពេទ្យគន្ធបុផ្ផា 5000$ អរគុណក្រុមគ្រូពេទ្យ និងថ្នាក់ដឹកនាំ​ទាំងអស់ ដែលខំប្រឹងសង្គ្រោះក្មេងៗ

ហើយក៏សង្ឃឹមថាក្មេងៗទាំងអស់អាច​មានសុខភាពល្អ ជាពន្លកដ៏ស្រស់បំព្រងនៃឪពុកម្ដាយគ្រប់រូប បងប្អូនអាចបរិច្ចាគបាន ABA ផ្ទាល់ខាងក្រោម: មន្ទីរពេទកុមារអង្គរ: 000320555 ANGKOR HOSPITAL FOR CHILDREN LIMITED។ មន្ទីរពេទ្យគន្ធបុផ្ផា: 000791702 CAMBODIA KANTHA BOPHA FOUNDATION ។ អរគុណទឹកចិត្តទាំងអស់គ្នា ដែលតែងបរិច្ចាគជួយ​កុមារកម្ពុជានា​ពេលកន្លងមក»៕

Leave a Reply

Your email address will not be published. Required fields are marked *

error: ❌ហាមដាច់ខាតការយកអត្ថបទ ពីវេបសាយនេះដោយគ្មានការអនុញាត⛔