ទៀតហើយ!!ព្រឹកនេះរកឃើញអ្នកឆ្លងជំងឺកូវីដ៤១នាក់ទៀត ក្នុងនោះ២៨នាក់ខេត្តកណ្តាល ខណៈខេត្តព្រះសីហនុមិនមានអ្នកឆ្លងថ្មីនោះទេ

~

នៅព្រឹកថ្ងៃទី១៤ ខែមីនា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩ ថ្មីចំនួន ៤១នាក់ ថែមទៀត ក្នុងនោះសុទ្ធសឹងជាករណីសហគមន៍ ក្នុង «ព្រឹត្តិការណ៍២០កុម្ភៈ» ខណៈអ្នកជំងឺចំនួន ២៤នាក់ បានជាសះស្បើយ និងអនុញ្ញាតឲ្យចេញពីមន្ទីរពេទ្យ។

~

ក្រសួងសុខាភិបាលបន្តថា ក្នុងចំណោមអ្នកឆ្លងទាំង៤១នាក់ មានជនជាតិចិនចំនួន២៣ នាក់, ជនជាតិខ្មែរចំនួន ១២នាក់ ជនជាតិវៀតណាមចំនួន៤ នាក់ និងជនជាតិថៃ ២នាក់ ដែលត្រូវបានរកឃើញនៅរាជធានីភ្នំពេញ ខេត្តកណ្តាល និងព្រៃវែង។

~

តាម​សេចក្តីប្រកាស​របស់​ក្រសួងសុខាភិបាល ​​អ្នកដែល​ឆ្លងក្នុង​សហគមន៍​ទាំង៤១​​នាក់​នេះ មាន​អ្នករស់នៅ​ភ្នំពេញ​១២នាក់ ,​កណ្តាល២៨ នាក់​ និងខេត្តព្រៃវែង១នាក់។ នៅខេត្តកណ្តាលគឺអ្នកឆ្លងមានអាសយដ្ឋាននៅឃុំសំពៅលូន ស្រុកកោះធំទាំងអស់។ ចំណែកអ្នកនៅរាជធានីភ្នំពេញ អ្នកឆ្លងមានអាសយដ្ឋាន នៅខណ្ឌឫស្សីកែវ ខណ្ឌមានជ័យ ខណ្ឌ​សែន​សុខ ខណ្ឌ​​​សែនសុខ ខណ្ឌទួលគោក ​​ខណ្ឌច្បារអំពៅ និង​ខណ្ឌចំការមន​។ រីឯនៅខេត្តព្រៃវែង អ្នកឆ្លងម្នាក់នោះ គឺមានអាសយដ្ឋាននៅឃុំក្រាំងស្វាយ ស្រុកព្រះស្តេច។

~

ចំណែកអ្នកជាសះស្បើយចំនួន ២៤នាក់វិញ មានជនជាតិចិន២២នាក់ និងជនជាតិវៀតណាម២នាក់ ដែលឆ្លងក្នុង «ព្រឹត្តិការណ៍សហគមន៍២០កុម្ភៈ» ដោយទទួលលទ្ធផលតេស្តអវិជ្ជមាន២លើក និងត្រូវបានអនុញ្ញាតឲ្យចេញពីមន្ទីរពេទ្យ។

~

​គិត​មកដល់ពេលនេះ កម្ពុ​ជាមាន​អ្នក​ឆ្លង​កូ​វីដ​-១៩ សរុប​១៣០៥នាក់​។ ករណី​សហគមន៍​២០​កុម្ភៈ មាន​ដល់​ទៅ៧៩២ នាក់ ដែល​ស្ថិតក្នុង​រាជធានី​ភ្នំពេញ កណ្តាល ព្រះសីហនុ ព្រៃវែង ស្វាយរៀង កោះកុង កំពង់ធំ កំពង់ចាម សៀមរាប និង​បាត់ដំបង​។ អ្នកជំងឺ​ចំនួន ៦៤៧នាក់ បានសះស្បើយ ខណៈអ្នកចំនួន ​៦៥៦ នាក់​ទៀត ​កំពុង​បន្ត​សម្រាក​ព្យាបាល។ ​​កាលពី​ថ្ងៃទី​១១​ខែមីនាកន្លងទៅ មានបុរសម្នាក់បាន​បាត់បង់ជីវិត៕

~





Leave a Reply

Your email address will not be published. Required fields are marked *

error: ❌ហាមដាច់ខាតការយកអត្ថបទ ពីវេបសាយនេះដោយគ្មានការអនុញាត⛔