ក្តៅៗ!ក្រោយផ្ទ​​​​.ុះការរិះគន់យ៉ាងខ្លាំង លោកផែង វណ្ណៈ សម្រេចចិត្តមកក្រាប់បង្គំសុំខមាទោស ព្រះមហាវិមលធម្ម ពិន សែម សិរីសុវណ្ណោផ្ទាល់តែម្តង…មានវីដេអូ

គេហទំព័រ​ព័ត៌មាន​របស់​អ្នកប្រើប្រាស់​បណ្ដាញ​សង្គម​លោក​ផែង វណ្ណៈ ឈ្មោះ www.phengvannaknews.com ត្រូវបាន​ក្រសួង​ព័ត៌មាន​ប្រកាស​លុប​អាជ្ញា​បណ្ណ​ចោល​នៅ​ថ្ងៃទី​១៨​មីនា​នេះ បន្ទាប់ពី​លោក​ផែង វណ្ណៈ បាន​ជេរប្រមាថ​លើ​ព្រះ​តេជគុណ​ពិន សែម ចៅអធិកា​វត្ត​រាជ​បូណ៍ ក្រុង​សៀមរាប ខេត្ត​សៀមរាប​កាលពី​ពេល​កន្លងទៅ ដែល​ធ្វើឲ្យ​ប៉ះពាល់​យ៉ាង​ធ្ងន់ធ្ងរ​លើ​វិស័យ​ព្រះពុទ្ធសាសនា​ដែល​ជា​សាសនា​របស់​រដ្ឋ​។ ម្យ៉ាងទៀត​ក្រសួង​បញ្ជាក់ថា នេះ​ជា​ការរំលោភ​យ៉ាងធ្ងន់ធ្ងរ​ផងដែរ​លើ​វិជ្ជាជីវៈ​និង​កិច្ចសន្យា​អាជីវកម្ម​ដែល​សាមីខ្លួន​លោក​ផែង វណ្ណៈ បាន​តម្កល់ទុក​នៅ​ក្រសួង​ព័ត៌មាន​។​

~

​បន្ទាប់​ពី​លុប​អាជ្ញា​បណ្ណ​គេហទំព័រ​ព័ត៌មាន​របស់​លោក​ផែង វណ្ណៈ ក៏​មាន​មហាជន​ជាច្រើន​បាន​បង្ហាញ​ការគាំទ្រ​ចំពោះ​ក្រសួង​ព័ត៌មាន ដោយ​មាន​ការលើកឡើង​នូវ​ការយល់ឃើញ និង​រិះគន់​ផ្សេងៗ​គ្នា​ទៅលើ​លោក​ផែង វណ្ណៈ ថា «​ក្នុងនាម​ជា​ពុទ្ធបរិស័ទ តែ​បែរជា​ប្រើ​ពាក្យសម្ដី​មិន​គួរ​គប្បី​ទៅលើ​ព្រះ​តេជគុណ​ពិន សែម ចៅអធិការ​វត្ត​រាជ​បូណ៌​ទៅវិញ​។​» មិន​តែ​ប៉ុណ្ណោះ​ក៏​មហាជន​ខ្លះទៀត​បាន​ហៅ​លោក​ផែង វណ្ណៈ ថា​ជា​ទមិឡ​ឥត​សាសនា​ថែមទៀត​ផង​។​

~

​យ៉ាងណាមិញ​សាធារណ​មតិ​មួយចំនួ​ន​នៅតែ​អំពាវនាវ​ឲ្យ​ស្ថាប័នពា​ក់​ពន្ធ័​ដ៏​ទៃ​ទៀត​ចាត់វិធានកា​រ​លើ​លោក​ផែង វណ្ណៈ ក្រោម​ហេតុផល​ថា លោក​បាន​ប្រើ​ពាក្យ​គំរាមកំហែង​ប៉ះពាល់​ដល់​អាយុជីវិត ដោយ​បាន​លើកឡើង​ពី​ក្រម​ព្រហ្មទណ្ឌ​មាត្រា​២៣៣ ដែល​ចែង​ថា ការគំរាមកំហែង​ថា​នឹង​សម្លាប់ ដែល​ធ្វើឡើង​ម្តង​ហើយ​ម្តងទៀត ឬ​សម្តែង​ចេញ​តាម​លិខិត រូបភាព ឬ​វត្ថុ​អ្វីមួយ ត្រូវ​ផ្តន្ទាទោស​ជាប់​ពន្ធនាគារ​ពី​៦​ខែ​ទៅ​២​ឆ្នាំ និង​ពិន័យ​ជា​ប្រាក់​ពី​១​លាន​ទៅ​៤​លាន​រៀល​។ រីឯ​មាត្រា​៥១៦ ការប្រមាថ​ចំពោះ​ព្រះសង្ឃ ដូនជី និង​តាជី ត្រូវ​ផ្តន្ទាទោស​ដាក់​ពន្ធនាការ​ពី​១​ថ្ងៃ ទៅ​៦​ខែ និង​ពិន័យ​ជា​ប្រាក់​ពី​១០០០​រៀល ទៅ​១​សែន​រៀល​។​

~

~

​គួរបញ្ជាក់​ថា ជុំវិញ​ករណី​នេះ​គណៈ​សង្ឃនាយក​ខេត្តសៀមរាប បាន​សម្រេច​ដាក់​លិខិត​ស្នើ​ទៅ​សម្ដេច​បណ្ឌិត​សង្ឃ​ន​ន្ទ ង៉ែត សម្ដេច​ព្រះសង្ឃ​នាយក​នៃ​ព្រះរាជាណាចក្រ​កម្ពុជា សុំ​ឲ្យ​ព្រះអង្គ​ស្នើសុំ​បន្ត​ទៅ​រាជរដ្ឋាភិបាល​ថ្កោលទោស​ចំពោះ​លោក​ផែង វណ្ណៈ​។ ដោយ​ការស្នើ​នេះ ធ្វើឡើង​បន្ទាប់​ពី​លោក​ផែង វណ្ណៈ​បាន​ធ្វើ​ការផ្សាយ​ផ្ទាល់ (Live) ដោយ​ប្រមាថ​លើ​ព្រះ​តេជគុណ​ពិន សែម ចៅអធិការ​វត្ត​រាជ​បូណ៌ ជុំវិញ​ការដាក់ពិន័យ​របស់​ព្រះអង្គ​ទៅ​លើ​ព្រះសង្ឃ​ជា​កូនសិស្ស​នៅលើ​ទំព័រ​ហ្វេ​សប៊ុក​របស់ខ្លួន​កាលពី​ថ្ងៃ​ទី​១៥​ខែ​មីនា​ឆ្នាំ​២០២១​កន្លងទៅ​។ សម្អាង​លើ​ការប្រមាថ​នេះដែរ គណៈ​សង្ឃនាយក​ខេត្ត​សៀមរាប​អះអាងថា បាន​ធ្វើឲ្យ​ប៉ះពាល់​យ៉ាងខ្លាំង​ដល់​កិត្តិយស សេចក្ដីថ្លៃថ្នូរ​ព្រះពុទ្ធសាសនា​ដែល​ជា​សាសនា​របស់​រដ្ឋ​។

~

~

​លើសពីនេះ​គណៈ​សង្ឃនាយក​ក៏​បាន​បញ្ជាក់ទៀតថា លោក​ផែង វណ្ណៈ មិន​ត្រឹមតែ​បាន​ប្រមាថ​លើ​ចៅអធិការ​វត្ត​រាជ​បូណ៌​ប៉ុណ្ណោះទេ គឺ​លោក​ផែង វណ្ណៈ​ថែមទាំង​បាន​ជេរ​ប្រមាថ​មើលងាយ​ដល់​មន្ត្រីរាជការ ក៏ដូចជា​អាជ្ញាធរ​ខេត្ត​សៀមរាប​ផងដែរ ដោយ​បាន​ប្រើ​ពាក្យ​ថា ចង់​យក​ផ្ដៅ​វាយ​ក្បាល​មន្ត្រី​និង​អាជ្ញាធរ​ខេត្ត​សៀមរាប​ម្នាក់​៣​ផ្ដៅ​ទៀតផង​។

~

~

​គួរ​ជម្រាប​ថា ការនិយាយ​រិះគន់​ពី​សំណាក់​អ្នកប្រើប្រាស់​បណ្ដាញ​សង្គម​លោក​ផែង វណ្ណៈ លើ​ព្រះ​តេជ​គុណ ពិន សែម ព្រះគ្រូ​ចៅអធិការ​វត្ត​រាជ​បូណ៌ ក្រុង​សៀមរាប ខេត្តសៀមរាប បាន​កើតឡើង​ក្រោយ​ពី​មហាជន​ប្រតិកម្ម​ជុំវិញ​ការដាក់ពិន័យ​ដោយ​ហិង្សា​របស់​ព្រះ​តេជគុណ ទៅលើ​ព្រះសង្ឃ​ដែល​ជា​សិស្ស​មួយអង្គ​កាលពី​ពេល​ថ្មីៗ​។ តែ​យ៉ាងណាមិញ​ករណីនេះ​ត្រូវបាន​គណៈ​សង្ឃនាយក​ដោះស្រាយ​សម្រួល​ដើម្បី​បញ្ចប់​រួចហើយ ដោយ​គណៈសង្ឃ​នាយក​នៅ​ថ្ងៃទី​១៥ ខែ​មីនា បាន​សំណូមពរ​ដល់​ព្រះ​មន្ត្រី​សង្ឃ ព្រះថេ​រានុ​ថេរៈ និង​សាធារណជន ព្រះមេត្តា និង​មេត្តា​ទទួលយក និង​រក្សា​ភាព​ស្ងៀមស្ងាត់ បញ្ចប់​ការលើកឡើង​ពី​បញ្ហា​នេះ​បន្ត​ទៀត។

~

~

តែមកដល់ថ្ងៃទី២០ខែមិនាឆ្នាំ២០២១ នាព្រឹកនេះញោម ផែង វណ្ណៈ បានអញ្ជើញមកកាន់វត្តរាជបូណ៌ ដើម្បីចូលខ្លួនមកសុំខមាទោសចំពោះព្រះភក្ដ្ររបស់ ព្រះមហាវិមលធម្ម ពិន សែម សិរីសុវណ្ណោ ព្រះរាជាគណៈថ្នាក់ទោ គណៈមហានិកាយ ជាឧត្ដមទីប្រឹក្សាគណសង្ឃនាយក និងជាសមាជិកថេរសភាព្រះពុទ្ធសាសនានៃព្រះរាជាណាចក្រកម្ពុជា និងជាព្រះគ្រូចៅអធិការវត្ដរាជបូណ៌ ក្រុង / ខេត្ដសៀមរាប ។

~

៚ ក្នុងករណី ដែលគាត់បានប្រើប្រាស់ពាក្យមិនសមរម្យប្រមាថទមើលងាយទៅលើព្រះមហាវិមលធម្ម តាមបណ្ដាញសង្គម Facebook ។
ថ្ងៃសៅរ៍ ០៧កើត ខែចែត្រ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី២០ ខែមីនា គ.ស. ២០២១

~


អត្តបទ៖ខ្មែរសាយ

Leave a Reply

Your email address will not be published. Required fields are marked *

error: ❌ហាមដាច់ខាតការយកអត្ថបទ ពីវេបសាយនេះដោយគ្មានការអនុញាត⛔