អួលដើមក ពេលដឹងថាសួស វីហ្សា មានកូនស្រីទើបតែកើតបាន ៥ ខែតែប៉ុន្នោះ

នៅរសៀលថ្ងៃទី ២២ ខែមីនា ឆ្នាំ ២០២១ នេះ តារាចម្រៀងប្រចាំផលិតកម្មហង្សមាសមួយរូបទៀតហើយដែលរកឃើញមានឆ្លងជំងឺកូវីដ-១៩ នោះគឺកញ្ញា សួស វីហ្សា បន្ទាប់ពីការធ្វើតេស្តជាលើកទី ៣ ក្រោយពីអ្នកមានអាការសង្ស័យ ។

~

~

យ៉ាងណាមិញ បើយោងតាមបទសម្ភាសពីស្ថានីយទូរទស្សន៍ «CNC» អ្នកនាង សួស វីហ្សា បានឱ្យដឹងថា អ្នកនាងធ្លាប់បានធ្វើតេស្តចំនួន ២ ដង រួចមកហើយជាមួយនឹងស្វាមីអ្នកនាង ហើយលទ្ធផលគឺអវិជ្ជមានទាំងអស់ ក្នុងនោះដែរ បន្ទាប់ពីធ្វើតេស្តអវិជ្ជមាន ២ ដង អ្នកនាង និង ស្វាមី ក៏សប្បាយចិត្តព្រោះគិតថាខ្លួនគ្មានឆ្លង ។

~

~

ដោយឡែក ក្រោយពីធ្វើតេស្តបាន ២ ដង អ្នកនាងក៏ចាប់ផ្ដើមមានអាការមិនស្រួលខ្លួនដែលខុសប្លែកពីរាល់ដង បន្ទាប់មកអ្នកនាង និង ស្វាមីក៏បានសម្រេចចិត្តទៅតេស្តជាលើកទី ៣ ដើម្បីប្រាកដចិត្ត តែចុងក្រោយនៃការតេស្តនាងក៏មានវិជ្ជមានជំងឺកូវីដ-១៩ ហើយសម្រាប់ស្វាមីនាង លោក ថម មី កំពុងតែរង់ចាំលទ្ធផល ជាមួយគ្នានោះដែរសម្រាប់នាងពេលនេះ ក៏ត្រូវបានក្រុមគ្រូពេទ្យនាំទៅសម្រាកព្យាបាលហើយដែរ ។

~

~

ទន្ទឹមតារាស្រីរូបនេះ ក៏បានរៀបរាប់ទាំងទឹកភ្នែកខណៈដែលនាងកំពុងតែអង្គុយលើឡានទៅព្យាបាលបន្ថែមទៀតថា អ្នកនាងពិតជាបារម្ភពីកូនស្រីតូចរបស់នាងខ្លាំង ដែលកូននាងទើបតែកើតបាន ៥ ខែប៉ុណ្ណោះ និង សមាជិកគ្រួសារដទៃទៀតរួមមានឪពុកម្ដាយដែលគាត់មានវ័យចំណាស់ ៕

~

~

ប្រភព៖ប្រជាប្រិយ

Leave a Reply

Your email address will not be published. Required fields are marked *

error: ❌ហាមដាច់ខាតការយកអត្ថបទ ពីវេបសាយនេះដោយគ្មានការអនុញាត⛔